नार्कमा बेहिसाब बेथिति

कृषि अनुसन्धानको म्यान्डेट पाएको एक मात्र निकाय नार्कमा व्यवस्थापन पनि भद्रगोल, अनुसन्धानका ठूला प्रोजेक्ट सञ्चालन हुन सकेनन्

नास्पातीको दाना लाग्दै गर्दा भटाभट झर्न थालेपछि गत वर्ष दक्षिणकालीका किसानले कृषि अनुसन्धान परिषद् (नार्क)लाई गुहारे । नार्कका प्लान्ट ब्रिडर विशेषज्ञ कृष्णकुमार मिश्रसहितको एक टोली एक चरण स्थलगत निरीक्षणमा निस्कियो । कुन रोग लागेर दाना झर्‍यो भन्ने पुष्टि गर्न विस्तृत अनुसन्धान गर्नुपर्ने निष्कर्ष नार्कमा पेस गर्‍यो । तर, कार्यकारी निर्देशकले अनुसन्धानबारे कुनै चासो नै दिएनन् । कार्यकारी निर्देशकले निर्णय र बजेट व्यवस्थापन नगर्दा अनुसन्धान भएन ।