प्रतिकुलताबीच अनुकुलता ल्याउने हाम्रो काम हो : महानिरीक्षक क्षेत्री

नेपाली प्रहरीका महानिरीक्षक शैलेश थापा क्षेत्रीले प्रतिकुलतावीच अनुकुलता ल्याउनु नेपाल प्रहरीको दायित्व भएको बताउनुभएको छ । जिल्ला प्रहरी कार्यालय गोरखाको नवनिर्मित कार्यालय भवन उद्घाटन गर्दै उहाँले सो कुरा बताउनुभयो ।

जस्तोसुकै कठिन परिस्थितिमा पनि नेपाल प्रहरीले देश र जनताको हितमा काम गरेको उहाँले दाबी गर्नुभयो । ‘अहिले पनि धेरै प्रहरीहरु चुहिइको भवनमा बस्छन् । हामी ज्यान जोखिममा राखेर पनि सेवारत छौं,’ उहाँले भन्नुभयो, ‘हामीसँगै जनताको साथ र विश्वास छ । हामी त्यसैमा गौरब गर्छौं ।’