धोनीको कप्तानीमा चेन्नईको पुनरागमन, लखनऊ ५ विकेटले पराजित

काठमाडौं । चेन्नई सुपर किंग्सले इन्डियन प्रिमियर लिग (आईपीएल) क्रिकेटमा पुनरागमन गरेको छ । सोमबार राती भएको चेन्नईले लखनऊ सुपर जायन्ट्सलाई पाँच विकेटले हराउँदै लिगमा पुनरागमन गरेको हो । योसँगै लखनऊको तीन खेलको अपराजित यात्रा भङ्ग भएको छ । सातौं खेल खेलेको लखनऊको आठ अंक छ ।

समान खेलबाट सबैभन्दा पुछारमा रहेको चेन्नईले चार अंक बटुलेको छ । योसँगै चेन्नईको हार यात्रामा अल्पविराम लागेको छ । सोमबार लखनऊले प्रस्तुत गरेको १६७ रनको चुनौति पछ्याएको चेन्नईले निर्धारित २० ओभरमा तीन बल बाँकी छँदै पाँच विकेट गुमाएर १६८ रन बनायो ।