अमेरिकी सर्वोच्च अदालतले बढायो ट्रम्पको अधिकार

वासिङ्टन डिसी । अमेरिकी सर्वोच्च अदालतले राष्ट्रपति डोनाल्ड ट्रम्पको अधिकारलाई थप विस्तार गर्ने फैसला सुनाएको छ । अदालतले अब राष्ट्रपतिले अधिकांश स्वतन्त्र सङ्घीय एजेन्सीका प्रमुखहरूलाई कुनै विशेष कारण नबताई पदबाट हटाउन सक्ने निर्णय गरेको हो ।

सर्वोच्च अदालतले ६–३ को बहुमतको निर्णयमार्फत सन १९३५ को ऐतिहासिक ‘हम्फ्रिज एक्सेक्युटर बनाम युनाइटेड स्टेट्स’ मुद्दामा स्थापित नजिरलाई उल्टाएको छ । उक्त नजिरले स्वतन्त्र सङ्घीय एजेन्सीका अधिकारीहरूलाई हटाउने राष्ट्रपतिको अधिकारमा सीमा लगाएको थियो ।