संघीय सरकारको आलोचना गर्न मुख्यमन्त्री सम्मेलन गरेका होइनौँ : मुख्यमन्त्री कार्की

कोशी प्रदेशका मुख्यमन्त्री हिक्मतकुमार कार्कीले संघीय सरकारको आलोचना गर्न अन्तरप्रदेश मुख्यमन्त्री सम्मेलन आयोजना नगरिएको बताएका छन्।

मंगलबारदेखि विराटनगरमा सुरु भएको अन्तरप्रदेश मुख्यमन्त्री सम्मेलनको उद्घाटन समारोहलाई सम्बोधन गर्दै कार्कीले संघीयता कार्यान्वयनका क्रममा प्रदेश सरकारले भोगिरहेका समस्या र तिनको समाधानका उपायबारे छलफल गर्न सम्मेलन आयोजना गरिएको स्पष्ट पारे।