ओमानविरुद्ध अर्धशतक बनाएर आउट भए रोहित पौडेल

काठमाडौँ– आईसीसी विश्वकप क्रिकेट लिग–२ श्रृंखला अन्तर्गत ओमानविरुद्धको खेलमा नेपाली ब्याटर रोहित पौडेलले अर्धशतक बनाएका छन् ।

ओमानको अल अमेरात क्रिकेट मैदानमा टस जितेर पहिले ब्याटिङ गरेको नेपालका लागि रोहितले अर्धशतक बनाएका हुन् । चौथोक्रममा ब्याटिङ गरेको रोहित ६७ बलमा ६१ रन बनाएर आउट भएका छन् । उनको पारीमा तीन चौका र एक छक्का समेटिएको थियो ।