सवारी साधनको कालो सिसा हटाउन नाडा र ट्राफिक प्रहरीबीच छलफल

काठमाडौँ- सवारी साधनमा जडान गरिएका कालो सिसा हटाउने विषयमा अटोमोबाइल्स एशोसिएशन अफ नेपाल (नाडा) र काठमाडौँ उपत्यका ट्राफिक प्रहरी कार्यालयबीच छलफल भएको छ।

नाडाका अध्यक्ष सुरेन्द्रकुमार उप्रेतीको नेतृत्वमा गएको प्रतिनिधिमण्डलले आइतबार काठमाडौँ उपत्यका ट्राफिक प्रहरी कार्यालयका प्रमुख सुरेशप्रसाद काफ्लेसँग भेट गरी सवारी साधनमा प्रयोग भइरहेको कालो सिसा हटाउने विषयमा छलफल गरेको हो।