बढ्दै ब्रेन ट्युमरका बिरामी

नेपालमा पछिल्ला वर्षहरूमा ब्रेन ट्युमरका बिरामीको सङ्ख्या बढ्दै गएको छ । तथ्याङ्क अनुसार नेपालमा गत वर्ष देशभर तीन हजार जना ब्रेन ट्युमरका बिरामीको शल्यक्रिया गरिएको थियो । शल्यक्रिया गरिएका बिरामीमध्ये पुरुषको सङ्ख्या महिलाभन्दा बढी रहेको छ ।

राष्ट्रिय ब्रेन ट्युमर केन्द्रका अध्यक्ष डा. राजिव झाका अनुसार उमेर समूहका आधारमा ३० देखि ५० वर्षका व्यक्तिमा ब्रेन ट्युमरको समस्या बढी देखिएको छ । वीर अस्पतालमा मात्र दैनिक चार जना बिरामी ब्रेन ट्युमरको शल्यक्रिया गर्नका लागि आउने गरेका छन् । वीरको न्युरो विभागमा मात्र ओपिडीमा दैनिक ८० जना बिरामी उपचारको लागि आउने गर्छन् ।