जापानी येन ४० वर्षयताकै सबैभन्दा कमजोर अवस्थामा, सरकारद्वारा बजार हस्तक्षेपको तयारी

एजेन्सी । मंगलबार जापानी येन अमेरिकी डलरको तुलनामा सन् १९८६ यताकै सबैभन्दा न्यून स्तरमा झरेको छ ।

यस ऐतिहासिक गिरावटसँगै लगानीकर्ताहरू जापानी अधिकारीहरूले बजारमा हस्तक्षेप गर्न सक्ने सम्भावनाप्रति उच्च सतर्कतामा रहेका छन् । एलएसईजीको तथ्यांकअनुसार, येनको मूल्य प्रति डलर १६२.१९ सम्म पुगेको छ । त्यो विगत चार दशकयताकै सबैभन्दा कमजोर अवस्था हो । येनको लगातारको अवमूल्यनले जापानी अर्थतन्त्रमा चुनौती थपेको छ ।