नेदरल्याण्ड्स बन्यो समूह ‘सी’को विजेता, अस्ट्रिया उपविजेता बन्दै अन्तिम १६ मा प्रवेश

यूईएफए युरो कप अन्तर्गत आज सम्पन्न समूह ‘सी’को खेलमा नेदरल्याण्ड्सले नर्थ म्यासेडोनियालाई हराएको छ। त्यस्तै, आजै सम्पन्न अर्को खेलमा अस्ट्रियाले युक्रेनलाई हराएको छ।

नेदरल्याण्ड्सको आम्स्टरडामस्थित योहान क्रुइफ एरेनामा सम्पन्न खेलमा नेदरल्याण्ड्सले नर्थ म्यासेडोनियामाथि ३-० को जित निकाल्यो। खेलको २४ औं मिनेटमा मेम्फिस डिपेको गोलमा नेदरल्याण्ड्सले अग्रता बनाएको थियो। नेदरल्याण्ड्सको लागि कप्तान जर्जिनियो विनाल्डमले २ महत्वपूर्ण गोल गरे। उनले दोस्रो हाफको ५१ र ५८ औँ मिनेटमा गोल गरेका हुन्।