सिरियाका पूर्व राष्ट्रपति असद र भाइलाई मृत्युदण्ड

सिरियाको एक अदालतले पदच्युत राष्ट्रपति बशर अल-असद र उहाँका कान्छा भाइलाई मृत्युदण्डको सजाय सुनाएको छ । करिब पाँच लाख मानिसको ज्यान गएको १४ वर्ष लामो सिरियाली द्वन्द्वका क्रममा मानव अधिकारविरुद्धका र युद्ध अपराध गरेको अभियोगमा मंगलबार मृत्युदण्डको सजाय सुनाएको हो ।

उहाँहरू दुवैजना अदालतमा उपस्थित हुनुहुन्थेन । राजधानी दमस्कसस्थित अदालतले सुनाएको यो सजाय असद परिवारको पाँच दशक लामो शासन अन्त्य भएयता उहाँ वा उहाँको भित्री घेराका सदस्यविरुद्धको पहिलो फैसला समेत हो ।