एमसीसी अन्तर्गत ४०० केभी न्यू बुटवल सबस्टेसन निर्माण तीव्र गतिमा

काठमाडौं । न्यू बुटवल ४०० केभी सबस्टेसनको निर्माण कार्य तीव्र गतिमा अघि बढेको छ । मिलेनियम च्यालेञ्ज एकाउण्ट नेपाल विकास समिति (एमसिए–नेपाल) ले एमसीसी कम्प्याक्ट परियोजनाले नेपालको राष्ट्रिय ग्रिडलाई सुदृढ बनाउन कुल ३१५ किलोमिटर लामो ४०० केभी डबल–सर्किट प्रसारण लाइन निर्माण गर्दैछ ।

सबस्टेसन निर्माणअन्तर्गत ग्यास इन्सुलेटेड स्विचगियर (जीआईएस) तथा कन्ट्रोल भवनहरू, ट्रान्सफर्मर जडानस्थलको जग, ग्याण्ट्रीहरू र अन्य उपकरण जडान गर्ने जग निर्माण लगायतका मुख्य भौतिक संरचनाको काम भइरहेको छ । निर्माण सम्पन्न भएपछि यो सबस्टेसन ४०० केभी बुटवल–गोरखपुर प्रसारण लाइनको अन्तिम विन्दुका रूपमा रहनेछ ।