नीता आचार्यको नयाँ गीत ‘ए फूल ए जुन’ मा शिल्पा पोखरेलको अभिनय

काठमाडौँ – नीता आचार्यको नयाँ गीत ‘ए फूल ए जुन’ को भिडियो सार्वजनिक भएको छ । बागलुङको ढोरपाटनमा छायांकन गरिएको उक्त गीतको भिडियोमा अभिनेत्री शिल्पा पोखरेलसँगै गायिका आचार्य स्वयंले अभिनय गरेकी छन् ।

डा. कृष्णहरि बरालको शब्द र एनबी जनकपुरीको संगीत रहेको गीतको भिडियो निर्देशन केशवराज भट्टले गरेका हुन् । अजय रेग्मीको छायांकन रहेको भिडियोको सम्पादन प्रवीण भट्टले गरेका हुन् । निर्देशक भट्टले हालसम्म करिब पाँच सयभन्दा बढी गीतका भिडियो निर्देशन गरिसकेका छन् ।