उदयपुर, सुनसरी र सप्तरीका नदी तटीय क्षेत्रका बासिन्दालाई सतर्क रहन आग्रह

विराटनगर । सप्तकोसी चतरा जल मापन केन्द्रमा हालको जल सतह खतराभन्दा धेरै माथि पुगेको जनाइएको छ । शनिवार कोशी ब्यारेजले एक सूचना जारी गर्दै जल सतह खतराभन्दा धेरै माथि पुगिसकेको र अझै बढ्दो क्रममा रहेकोले उदयपुर, सुनसरी र सप्तरीका नदी तटीय क्षेत्रका बासिन्दालाई आइतबार बिहानसम्म सतर्क रहन आग्रह गरेको हो ।

सूचनामा भनिएको छ– ‘सप्तकोसी चतरा जल मापन केन्द्रमा हालको जल सतह खतरा तह भन्दा धेरै माथि (११.२६ मि.) पुगिसकेको र अझै बढ्दो क्रममा रहेकोले उदयपुर, सुनसरी र सप्तरीका नदी कटान हुन सक्ने क्षेत्र र डुबान हुने होचा भू–भागमा रहनुहुनेहरु भोलि बिहानसम्मै अति उच्च सतर्कताका साथ सुरक्षित स्थानमा रहनुहोला/जानुहोला।’