विद्यार्थी सुरक्षा र बजार अनुगमनको माग गर्दै अखिल क्रान्तिकारीले बुझायो ज्ञापन पत्र

कञ्चनपुर — विद्यार्थी सुरक्षा, बजार अनुगमन तथा सीमा क्षेत्रमा हुने चोरीतस्करी नियन्त्रणको माग गर्दै अखिल क्रान्तिकारी कञ्चनपुरले जिल्ला प्रशासन कार्यालयलाई पाँचबुँदे ज्ञापनपत्र बुझाएको छ।

मंगलबार संगठनले प्रमुख जिल्ला अधिकारी मदन कोइरालालाई ज्ञापनपत्र बुझाउँदै जिल्लामा देखिएका शैक्षिक बेथिति, सार्वजनिक यातायातमा विद्यार्थीलाई दिइने सहुलियत भाडा कार्यान्वयन, बजारमा हुने कालोबजारी तथा सरकारी सवारीसाधनको दुरुपयोग नियन्त्रणलगायतका विषयमा प्रशासनको ध्यानाकर्षण गराएको हो।