टेकपाना समाचार प्रभाव: क्यानको वेबसाइटबाट हटे हजारौं बेटिङ प्लेटफर्मका लिङ्क

काठमाडौँ । नेपाल क्रिकेट संघ (क्यान) को आधिकारिक वेबसाइटमा अनधिकृत रूपमा सूचीकृत भएका हजारौं सट्टेबाजी (बेटिङ) प्लेटफर्मका लिङ्क हटाइएका छन् । टेकपानाले शुक्रबार क्यानको वेबसाइटमा दुई हजारभन्दा बढी बेटिङ साइटका लिङ्क भेटिएको भन्दै समाचार सम्प्रेषण गरेको थियो ।

उक्त समाचार सार्वजनिक भएपछि क्यानले आफ्नो वेबसाइटमा रहेका सबै हानिकारक लिङ्क हटाएको छ । यद्यपि, यति ठुलो संख्यामा अनधिकृत लिङ्क कसरी वेबसाइटमा समावेश भए भन्ने विषयमा क्यानले कुनै औपचारिक जानकारी वा प्रतिक्रिया दिएको छैन ।