पुष्पलाल स्मृति ब्याडमिन्टन: प्रतीक र कबिर अन्तिम ३२ मा

विभागीय टोली त्रिभुवन आर्मी क्लबका प्रतीक विष्ट र नेपाल पुलिस क्लबका कबिर केसीले १४औं पुष्पलाल स्मृति राष्ट्रिय वरीयता ब्याडमिन्टन प्रतियोगिताको पुरुष यु–१९ को अन्तिम ३२ मा स्थान बनाएका छन्।

ग्वार्कोस्थित सहआयोजक यल स्पोर्ट्स एकेडेमीको कभर्डहलमा मंगलबार भएको खेलमा प्रतीकले तारकेश्वर युथ क्लबका दीप भट्टलाई र कबिरले आर्मीका आशुतोष कसौधनलाई २–० को सोझो सेटमा हराए। कबिरले आशुतोषमाथि २१–११ र २१–६ को जित निकाले। अर्को खेलमा प्रतीकले दीपलाई २१–६ र २१–६ ले सहजै पराजित गरे।