मोदी सरकारका मन्त्रीले एकसाथ मन्त्री र सांसद पदबाट दिए राजीनामा

भारतीय प्रधानमन्त्री नरेन्द्र मोदी नेतृत्वको सरकारका राज्यमन्त्री एल मुरुगनले मन्त्री पद र राज्यसभा सदस्यताबाट राजीनामा दिने घोषणा गरेका छन्। उनले तमिलनाडुमा भारतीय जनता पार्टी (भाजपा) लाई बलियो बनाउन र सन् २०२९ को लोकसभा चुनावको तयारीमा जुट्न यस्तो निर्णय लिएको बताएका छन्।

सूचना तथा प्रसारण र संसदीय मामिला मन्त्रालयमा राज्यमन्त्री रहेका मुरुगनले मंगलबार प्रधानमन्त्री मोदीलाई पत्र लेख्दै आफूलाई मन्त्री पदको जिम्मेवारीबाट मुक्त गर्न र राज्यसभा सदस्यता त्याग्न अनुमति दिन आग्रह गरेका हुन्।