डिलरबाट ग्यास किन्न संघको आग्रह, संयुक्त बिक्री भोलिसम्म

काठमाडौं । काठमाडौं उपत्यकामा खाना पकाउने एलपी ग्यासको सहज आपूर्तिका लागि भन्दै नेपाल एलपी ग्यास उद्योग संघले सबै ब्रान्डका ग्यास सिलिन्डर संयुक्त रूपमा बिक्री गर्ने व्यवस्था बुधबारसम्म मात्र कायम रहने भएको छ ।

संघले नेपाल आयल निगममार्फत भारतका विभिन्न रिफाइनरीबाट एलपी ग्यासको आयात भइरहेको र भदौमा मात्रै काठमाडौं उपत्यकामा ४२ लाख १३ हजार ६६१ सिलिन्डर एलपी ग्यास बिक्री भएको जनाएको छ ।