ला लिगाः सेभिल्ला र आलाभेसबिचको खेल बराबरी

काठमाडौं । स्पेनको शीर्ष डिभिजन फुटबल प्रतियोगिता ला लिगाअन्तर्गत शनिबार राति सम्पन्न खेलमा सेभिल्ला र आलाभेसबिच १–१ गोलको बराबरीमा सम्पन्न भएको छ ।

घरेलु मैदानमा भएको प्रतिस्पर्धात्मक खेलमा सेभिल्लाका लागि जिब्रिल सोले ४२औँ मिनेटमा गोल गर्दै टोलीलाई अग्रता दिलाएका थिए । तर खेलको १६औँ मिनेटमै सेभिल्लाका जुआनलु सान्चेज रातो कार्ड खाँदै मैदानबाट बाहिरिएपछि टोली १० खेलाडीमा सीमित भएको थियो ।