एक सातामा उत्तर कोरियाको दोस्रो ब्यालेस्टिक क्षेप्यास्त्र परीक्षण

काठमाडौँ । उत्तर कोरियाले बुधबार आफ्नो पूर्वी तटबाट जापान सागरको दिशातर्फ संदिग्ध ब्यालेस्टिक क्षेप्यास्त्र परीक्षण गरेको छ । जापानको रक्षा मन्त्रालयका अनुसार प्रहार गरिएको संदिग्ध क्षेप्यास्त्र समुद्रमा खसेको छ । एक साताभन्दा कम अवधिमा उत्तर कोरियाले यस किसिमको हतियार परीक्षण गरेको यो दोस्रो घटना हो ।