मुख्य सामग्रीमा जानुहोस्

समाचार

देश

राजनीतिलाई ठेक्कापट्टा नबनाऔं

annapurnapost.com · Tue Apr 12 23:50:00 GMT 2022

एक जमाना थियो, राजनीतिमा सिद्धान्त, विचार, इमान, त्याग र समर्पण हुन्छ भनेर बुझिन्थ्यो। अहिले राजनीति गर्न ती नभए पनि हुने हो कि जस्तो भइसक्यो। हुनै पर्ने चिज चाहिँ पैसा भयो। विचार छ, निष्ठा छ, इच्छाशक्ति अनि योग्यता छ भने पनि जोकोही राजनीतिमा सफल हुन असम्भव भइसक्यो। यी सबभन्दा चाहिने पैसा भइसक्यो। जसले पैसा खर्च गर्न सक्छ, उही नेता अनि जनप्रतिनिधि बन्न सक्ने वातावरण पछिल्लो समय देखिएको छ। त्यसैले त गएको २०७४ सालको स्थानीय निर्वाचनमा स्थानीय तहका ४० प्रतिशत जति जनप्रतिनिधि निर्माण वा अरू व्यवसायको पृष्ठभूमिका थिए भनिन्छ। यसको धरातलीय यथार्थका उदाहरण पनि देखिए। जनप्रतिनिधिका आफ्नै डोजर हुने, डोजरलाई काम दिन जथाभावी बाटोघाटो खन्ने गरिए। त्यस्ता अध्यक्षहरूले उपमा नै पाए डोजराध्यक्ष।

आसन्न स्थानीय तह निर्वाचनमा पनि फेरि निर्माणलगायत व्यवसायीहरू जनप्रतिनिधि बन्न सल्बलाएका छन्। मुख्य काम ठेकेदारी गर्ने तर जनप्रतिनिधि बन्ने चाहना राख्ने धेरै देखिएका छन्। त्यस्ताहरूले अहिले आफ्ना नाममा भएका ठेकेदारी कम्पनीलाई धमाधम आफन्तका नाममा सारिरहेका छन्। बाजुरा, प्यूठान, जाजरकोट र जनकपुरधाममा त्यस्तो प्रवृत्ति धेरै देखिएको छ। बाजुराका १२ जना ठेकेदारले आफ्नो नाममा रहेको निर्माण कम्पनी (फर्म) आफन्तको नाममा सारेका हुन्। ती प्रतिनिधि पात्र मात्रै हुन्। यस्तो शृंखला देशैभरि चलेको छ। पार्टीहरूले लाइदिएकैले उनीहरू जनप्रतिनिधि बन्न तम्सिएका हुन्।

स्रोतमा पूरा पढ्नुहोस् (annapurnapost.com)