कतार विश्वकप : घरेलु टोलीको कीर्तिमानी हारमा इक्वेडर बन्यो भिलेन

आयोजक कतारले विश्वकप फुटबलमा खराब सुरुवात गरेको छ। घरेलु मैदानमा इक्वेडरसँग २–० ले पराजित हुँदा विश्वकप फुटबलको उद्घाटन खेलमा आयोजक पराजित भएको पहिलो रेकर्ड बन्यो। यसअघि २१ विश्वकपका सबै उद्घाटन खेलमा आयोजकले जित दर्ता गरेका थिए।

आइतबार राति अल बेत रंगशालामा इक्वेडरले खेलको १६ औँ मिनेटमा अग्रता लियो। इक्वेडरका कप्तान इनर भ्यालेन्सियाले पेनाल्टीमा गोल गर्दै टोलीलाई सुरुवाती अग्रता दिलाएका थिए। त्यसअघि तेस्रो मिनेटमै भ्यालेन्सियाले नै कतारको पोष्टमा सफल प्रहार गरे पनि रेफ्रिले अफसाइड दिएका थिए।