ट्रम्पको नयाँ कार्यकारी आदेश: अमेरिकामा बालबालिकाको खोप तालिकामा ठूलो परिवर्तनको तयारी

एजेन्सी ।

अमेरिकी राष्ट्रपति डोनाल्ड ट्रम्पले बालबालिकालाई दिइने नियमित खोपको संख्या घटाउने र खोप लगाउने समयतालिकामा परिवर्तन गर्ने उद्देश्यसहित नयाँ कार्यकारी आदेशमा हस्ताक्षर गरेका छन्। सोमबार जारी गरिएको आदेशअनुसार अमेरिकाको हालको बाल खोप तालिकालाई तीनवटा छुट्टाछुट्टै श्रेणीमा विभाजन गर्ने तथा प्रारम्भिक उमेरमा दिइने खोपको संख्या घटाउने प्रस्ताव गरिएको छ। तर स्वास्थ्य विज्ञहरूले यस्ता परिवर्तनलाई समर्थन गर्ने पर्याप्त वैज्ञानिक प्रमाण हाल उपलब्ध नभएको बताएका छन्।