यसकारण राउटे करिडोरमा घट्दै छन् बाँदर

दुई महिनाअघि गाउँनजिकै राउटे समुदाय आएर बस्न थालेपछि सिम्ता गाउँपालिका–९ दुनीकी मिमकुमारी रानालाई लगाएको मकै बाली स्याहार्न पाउने आशा पलाएको छ। राउटेको उपस्थितिपछि बाँदरको सिकार हुन थालेकाले खेतबारीमा बाँदर देखिएका छैनन्। ‘राउटे अब एक महिना बसिदिए ढुक्कसँग बाली स्याहार्न पाइन्थ्यो,’ उनले भनिन्, ‘राउटे यहाँ नआएका भए अहिलेसम्म बाँदरले बाली खाएर सखाप पार्थे।’

बस्तीनजिकै राउटे समुदाय आएकाले यस पटक उनको बारीमा मकैको एउटा घोगा पनि नासिएको छैन। बाँदर धपाउन दिनभरि हेरालु बन्न पनि परेको छैन। ‘अरू बेला उज्यालो हुने बेलादेखि अँध्यारो नहुँदासम्म बाली जोगाउन खेतबारीमै खटिनुपथ्र्यो। त्यति गर्दा पनि बाँदरले खाइसक्थे,’ उनले भनिन्, ‘यस पटक राउटे आइदिएर आनन्द भएको छ।’