लालबकैया नदीमा बेपत्ता तीन बालबालिकामध्ये दुईको शव फेला

रौतहट ।

लालबकैया नदीमा नुहाउने क्रममा डुबेर बेपत्ता भएका तीन बालबालिकामध्ये दुई जनाको शव फेला परेको छ। रौतहटको देवाही गोनाही नगरपालिका–२ लक्ष्मीनिया घाटमा मंगलबार नुहाउने क्रममा बेपत्ता मध्ये दुई जनाको शव बुधबार बिहान करिब ७ बजे घटनास्थलबाट करिब २ दशमलव ५ किलोमिटर दक्षिणतर्फ परोहा नगरपालिका–२ जिंगडवामा भेटिएको हो। लालबकैया नदीमा तैरिरहेको अवस्थामा फेला परेको दुवै वालवालिकाको शव फेला परेको प्रहरीले जनाएको छ।