एक सातामा उत्तर कोरियाको दोस्रो ब्यालेस्टिक क्षेप्यास्त्र परीक्षण

काठमाडौं- उत्तर कोरियाले बुधबार आफ्नो पूर्वी तटबाट जापान सागरको दिशातर्फ संदिग्ध ब्यालेस्टिक क्षेप्यास्त्र परीक्षण गरेको छ। जापानको रक्षा मन्त्रालयका अनुसार प्रहार गरिएको संदिग्ध क्षेप्यास्त्र समुद्रमा खसेको छ। एक साताभन्दा कम अवधिमा उत्तर कोरियाले यस किसिमको हतियार परीक्षण गरेको यो दोस्रो घटना हो।

दक्षिण कोरियाली समाचार संस्था योनहापले त्यहाँको सेनालाई उद्धृत गर्दै उत्तर कोरियाले पूर्वी तटबाट अज्ञात क्षेप्यास्त्र प्रहार गरेको जनाएको छ। पछिल्लो प्रहार क्षेत्रीय सैन्य गतिविधिलाई लिएर तनाव कायम रहेका बेला भएको हो।