काठमाडौंमा क्याम्ब्रिज इङ्लिस लिडरसिप कन्फरेन्स, एआई युगमा विद्यार्थीको सञ्चार सीप विकासमा जोड

काठमाडौं- क्याम्ब्रिज युनिभर्सिटी प्रेस एन्ड एसेसमेन्टले काठमाडौंमा Cambridge English LeadershipConference (CELC) 2026 आयोजना गरेको छ। सम्मेलनमा विद्यालयका प्रधानाध्यापक, विद्यालय नेतृत्वकर्ता तथा अंग्रेजी भाषा शिक्षकहरूको सहभागिता रहेको थियो।

सम्मेलनमा कृत्रिम बौद्धिकता (AI) को बढ्दो प्रयोग भएको समयमा विद्यार्थीलाई भविष्यका लागि कसरी तयार गर्ने भन्ने विषयमा छलफल गरिएको थियो। विद्यार्थी केन्द्रित कक्षाकोठा, प्रभावकारी मूल्यांकन, तथ्यमा आधारित प्रतिक्रिया तथा सञ्चार सीपको बलियो आधारले विद्यार्थीलाई शैक्षिक तथा व्यावसायिक रूपमा सफल बनाउन महत्वपूर्ण भूमिका खेल्ने विषयमा सम्मेलनमा जोड दिइएको थियो।