नेपाली भाषा शुद्ध लेख्न सघाउने यी टुल र वेबसाइट, के तपाईँले प्रयोग गर्नुभएको छ ?

काठमाडौं । पछिल्लो समय सामाजिक सञ्जालका माध्यमहरूमा भाषा शुद्धाशुद्धिलाई बढी प्राथमिकताका साथ हेर्न थालिएको छ । ठूलो पदमा रहेका व्यक्तिले यदि नेपाली भाषा अशुद्ध लेखेका छन् भने विभिन्न मिम पेजमा सो पोस्ट ट्रोल (मजाक) को विषय बन्छ । त्यसबाहेक पनि यस्ता फेसबुक पेज तथा ग्रुपहरू छन्, जसले नेपाली भाषालाई बढी प्राथमिकता दिन्छन् र भाषा शुद्धीकरण गर्ने अभियान नै चलाएका छन् ।