गोविन्दाको वैवाहिक विवादमा नयाँ ट्विस्ट, ‘अफेयर’ आरोपदेखि कोमलसँगको भेटसम्म

काठमाडौँ – बलिउडका चर्चित अभिनेता गोविन्दा र उनकी पत्नी सुनीता आहूजाबीचको सम्बन्ध पछिल्लो समय फेरि चर्चामा छ। सुनीताले गोविन्दामाथि युवावस्थादेखि नै विभिन्न महिलासँग अफेयर रहेको आरोप लगाएपछि यसबारे गोविन्दाले सार्वजनिक रूपमा प्रतिक्रिया दिएका छन्।

एएनआईसँग कुरा गर्दै गोविन्दाले सुनीताले सार्वजनिक रूपमा आफूविरुद्ध नकारात्मक कुरा गरेर चर्चा पाइरहेको संकेत गरे। उनले ‘सफल हुन अरूलाई बदनाम गर्नैपर्छ र ?’ भन्दै प्रश्नसमेत उठाए। पत्नीले आफूलाई गाली गरे पनि त्यसमा उनले माया नै देख्ने गरेको बताउँदै गोविन्दाले भने, ‘उनी मलाई धेरै मायाले गाली गर्छिन्, म उनका हातबाट खान्छु पनि।’