इरानी क्षेप्यास्त्रको खतरा देखेपछि ट्रम्पलाई ‘क्याटरिङ ट्रक’बाट गुपचुप अर्को विमानमा सारिएको खुलासा

काठमाडौं ।

अमेरिकी राष्ट्रपति डोनाल्ड ट्रम्पले गत महिना टर्कीमा भएको नेटो शिखर सम्मेलनपछि आफूलाई गोप्य रूपमा अर्को विमानमा सारिएको पुष्टि गरेका छन्। इरानबाट अमेरिकी राष्ट्रपतिलाई लक्षित गरी क्षेप्यास्त्र आक्रमण हुन सक्ने विश्वसनीय सुरक्षा सूचनापछि अमेरिकी सुरक्षा निकायले यस्तो गोप्य योजना बनाएको खुलासा भएको हो। ट्रम्पले मंगलबार पत्रकारहरूसँग आफूले विमान परिवर्तन गर्ने निर्णय आफैंले नगरेको बताएका छन्। ‘सिक्रेट सर्भिस र सेनाले अर्को उडान, अर्को विमानमा जान भनेपछि आफूले उनीहरूको निर्देशन पालना गरेको’ उनको भनाइ थियो। उनले आफूलाई धेरै प्रकारका धम्की आउने गरेको समेत बताए।