नबिल बैंकको ‘एसएचई’ अभियानबाट ५० हजारभन्दा बढी छात्रा लाभान्वित

काठमाडौं– महिनावारीका कारण छात्राको पढाइ प्रभावित हुने समस्या न्यूनीकरण गर्न नबिल बैंकले सामुदायिक विद्यालयमा स्यानिटरी प्याड भेन्डिङ मेसिन जडान अभियान सञ्चालन गरेको छ । बैंकले ‘नबिल सिक्योरिङ हेल्थ एन्ड इम्पावरमेन्ट’ (एसएचई) परियोजनाअन्तर्गत सञ्चालन गरेको अभियानबाट हालसम्म ५० हजारभन्दा बढी छात्रा लाभान्वित भएको जनाएको छ ।

बैंकका अनुसार हालसम्म सातै प्रदेशका १०४ सामुदायिक विद्यालयमा स्यानिटरी प्याड भेन्डिङ मेसिन जडान भइसकेको छ । परियोजनाको उद्देश्य छात्राले महिनावारीका समयमा आवश्यक सामग्री सहज रूपमा प्राप्त गर्न सकून् र पढाइमा अवरोध नहोस् भन्ने रहेको बैंकले जनाएको छ ।