वेस्ट इन्डिजविरुद्ध जितको खोजीमा नेपाल, समूह चरणको तेस्रो खेल आज

काठमाडौँ । टी–२० विश्वकप २०२६ अन्तर्गत समूह चरणको आफ्नो तेस्रो खेलमा नेपाल आज (आइतबार) शक्तिशाली वेस्ट इन्डिजसँग प्रतिस्पर्धा गर्दै छ । खेल बिहान सवा ११ बजे मुम्बईस्थित वानखेडे स्टेडियम मा सुरु हुनेछ ।

लगातार दुई खेलमा पराजय बेहोरेको नेपाल आजको खेलमा पहिलो जित निकाल्ने लक्ष्यसहित मैदान उत्रिनेछ । नेपाल यसअघि इंग्ल्याण्ड र इटालीसँग पराजित भएको थियो । त्यसैले सेमिफाइनल सम्भावना जीवित राख्न वेस्ट इन्डिजविरुद्धको खेल नेपालका लागि ‘गर या मर’ को स्थितिमा पुगेको छ ।