महेश बर्तौलाको टिप्पणी : चार महिनामै गणपूरक संख्या नपुग्नु ‘भयंकर संसदीय लज्जा’

काठमाडौं- नेकपा एमालेका पूर्वप्रमुख सचेतक एवम् नेता महेश बर्तौलाले नयाँ प्रतिनिधिसभाको कार्यकाल सुरू भएको चार महिनामै बैठकमा गणपूरक संख्या नपुगेर कामकारबाही प्रभावित हुनु ‘भयंकर संसदीय लज्जा’ भएको बताएका छन्।

प्रतिनिधिसभाको पछिल्लो बैठकमा गणपूरक संख्या नपुगेका कारण ‘खानी तथा खनिज पदार्थ विधेयक, २०८३ माथि विचार गरियोस्’ भन्ने सरकारी प्रस्तावसमेत निर्णयार्थ प्रस्तुत हुन नसकेको घटनाप्रति बर्तौलाले आपत्ति जनाएका हुन्।