नदी किनारमा सहरको मुस्कान, तस्बिरमा हेर्नुहोस्

काठमाडौँ । कुनै समय फोहोर र दुर्गन्धको पर्याय बनेका काठमाडौँका नदी किनारहरू अहिले सहरको सुन्दर पर्यटकीय गन्तव्यका रूपमा विकसित भइरहेका छन् । विशेषगरी शंखमूल क्षेत्रको बागमती किनारमा निर्माण गरिएको ‘शंखमूल योग पार्क’ र वरिपरिका हरियाली क्षेत्रले उपत्यकावासीलाई नयाँ जीवन दिएको महसुस गराउँछ ।

हरियाली चौर, बगेको बागमती, र व्यवस्थित पैदल मार्गहरूले गर्दा यी क्षेत्रहरू अहिले बिहानी र साँझको हिँडडुल (मर्निङ वाक), योग अभ्यास र पारिवारिक पिकनिकका लागि पहिलो रोजाइ बन्न थालेका छन् । पार्कहरूमा बालबालिकाका लागि आधुनिक खेलौनाहरू, चिप्लेटी (स्लाइड) राखिएको छ ।