साउदीको मुटुमै ड्रोन आक्रमण: अमेरिकी दूतावासमा विस्फोट, ट्रम्पले दिए कडा चेतावनी

साउदी अरबको राजधानी रियादस्थित अमेरिकी दूतावासलाई लक्षित गरी मंगलबार बिहान भीषण ड्रोन आक्रमण भएको छ। विदेशी कूटनीतिक नियोगहरू रहेको उच्च सुरक्षा क्षेत्र (डिप्लोम्याटिक क्वाटर) मा भएको यस हमलाले मध्यपूर्वको सुरक्षा संवेदनशीलतालाई पुनः सतहमा ल्याइदिएको छ।

साउदी रक्षा मन्त्रालयका अनुसार विस्फोटक पदार्थ बोकेका दुईवटा ड्रोन दूतावास परिसरमा खसेका थिए। जसका कारण दूतावासको भौतिक संरचनामा क्षति पुग्नुका साथै सामान्य आगलागी समेत भएको छ।