कानुनी जटिलताबीच इतर समूहको राष्ट्रिय भेला: कांग्रेसको आन्तरिक राजनीति कता ?

काठमाडौँ । आन्तरिक खिचातानी र वैधानिकताको कानुनी लडाइँमा रुमल्लिरहेको नेपाली कांग्रेसभित्र इतर समूहले आफ्नो शक्ति प्रदर्शन र रणनीति तय गर्न काठमाडौँमा राष्ट्रिय भेलाको आयोजना गरेको छ। सुकेधारास्थित मिराकल पार्टी प्यालेसमा शुक्रबार दिउँसो १ बजेबाट सुरु हुने भेलाको उद्घाटन पार्टीका पूर्वसभापति शेरबहादुर देउवाले गर्दै छन् भने कार्यक्रमको सभापतित्व आयोजक समितिका संयोजक नेता डा. शशांक कोइरालाले गर्नेछन्।

साउन ३१ गतेसम्म चल्ने तीनदिने यो भेला औपचारिकतामा मात्र सीमित नरहेर कांग्रेसभित्र चुलिँदै गएको शक्ति संघर्ष र भावी दिशा तय गर्ने थलोका रूपमा हेरिएको छ।