विश्वकपमा जर्मनीलाई हराएपछि पाराग्वेमा राष्ट्रिय बिदा घोषणा!

काठमाडौं । फिफा विश्वकप २०२६ को ‘राउन्ड अफ ३२’ को खेलमा चार पटकको विश्व विजेता जर्मनीलाई पेनाल्टी सुटआउटमा पराजित गर्दै ऐतिहासिक जित निकालेपछि पाराग्वेमा उत्सवको माहौल छाएको छ। यस अभूतपूर्व र ऐतिहासिक विजयको खुसीयाली मनाउन पाराग्वेका राष्ट्रपति सान्टियागो पेन्या ले जुन ३० तारिखका दिन देशभरि लागू हुने गरी राष्ट्रिय सार्वजनिक बिदा को घोषणा गरेका छन्।

राष्ट्रपति पेन्याले सामाजिक सञ्जाल ‘एक्स’ मा आफूले बिदाको घोषणापत्र (आदेश नम्बर ६२८०) मा हस्ताक्षर गरिरहेको तस्बिर साझा गर्दै अत्यधिक उत्साहका साथ “पाराग्वेले कहिल्यै हार मान्दैन! आज बिदा हो!!” भनी आफ्नो भावना व्यक्त गरेका हुन् । सरकारी विज्ञप्तिमा यो जित केवल खेलकुदमा मात्र सीमित नरही यसले पाराग्वेली जनताको गहिरो पहिचान, विश्वास र कहिल्यै नझुक्ने दृढ शक्तिलाई प्रतिनिधित्व गर्ने भएकाले सम्पूर्ण नागरिकलाई एकजुट भई गौरव मनाउन बिदा दिइएको उल्लेख छ।