सरकारी कार्यालयमा निवेदनको ढाँचा अब एउटै, डिजिटल सेवाको बाटो खुल्दै

काठमाडौं- सरकारले सरकारी कार्यालयमा सेवाग्राहीले पेश गर्ने निवेदनको ढाँचामा एकरूपता ल्याउने भएको छ। सेवा प्रवाहलाई सरल, सहज र सूचना प्रविधिमैत्री बनाउने उद्देश्यले प्रधानमन्त्री तथा मन्त्रिपरिषद्को कार्यालयले ‘सरकारी कार्यालयमा प्रयोग हुने निवेदनको ढाँचा तथा सोको कार्यान्वयन मार्गदर्शन, २०८३’ स्वीकृत गरेको हो।

मार्गदर्शन कार्यान्वयनका लागि देशभरका सरकारी निकायलाई निर्देशनसमेत जारी गरिएको छ। यससँगै सरकारी कार्यालयअनुसार फरक–फरक ढाँचामा निवेदन लेख्नुपर्ने र सेवाग्राही अन्योलमा पर्ने अवस्थाको अन्त्य हुने अपेक्षा गरिएको छ।