मापदण्डका आधारमा मन्त्री : कांग्रेस

काठमाडौं । नेपाली कांग्रेसले आगामी सरकारमा मन्त्रीको जिम्मेवारीमा पठाउने सांसदहरूको मापदण्ड बनाउने भएको छ । पार्टीले चारवटा मापदण्डका आधारमा सरकारमा मन्त्री पठाउने भएको हो । संघीय संसद् भवनको शंकर हलमा आइतबार बिहान बसेको कार्यसम्पादन समितिको बैठकले मन्त्री बनाउन चारवटा मापदण्ड तोकेको पार्टी प्रवक्ता डा. प्रकाशशरण महतले जनाकारी दिनुभयो ।

बैठकले योग्यता, क्षमता, आपसी समझदारी र सन्तुलन कायम राखेर मन्त्रीलाई सरकार पठाउने निर्णय गरेको उहाँको बताउनुभयो । प्रधानमन्त्रीले सोमबार विश्वासको मत लिएपछि पार्टी सरकारमा सहभागी हुनेसमेत महतको भनाइ छ । प्रवक्ता महतका अनुसार कांग्रेस कसको नेतृत्वमा सरकारमा जान्छ भनेर टुंगो लागिसकेको छैन । कांग्रेसभित्र सरकारमा नेतृत्व गरेर जाने नेताहरूको लामो लाइन लागेको बताइएको छ ।