गगन-विश्वप्रकाशलाई चुनौती दिन देउवा पक्षको कर्णाली भेला

सुर्खेत । नेपाली कांग्रेसका नेता तथा निवर्तमान कार्यवाहक सभापति पूर्णबहादुर खड्का तीन दिनदेखि सुर्खेतमा छन् । कांग्रेसभित्र सभापति शेरबहादुर देउवा निकट समूहको नेतृत्व गरिरहेका खड्काले शनिबार आयोजना हुने प्रदेशस्तरीय भेलालाई सम्बोधन गर्ने कार्यक्रम रहेको छ ।

पार्टीको ‘बृहत् एकता’ अभियानलाई अघि बढाउने भन्दै देउवा समूहले विभिन्न प्रदेशमा भेला आयोजना गरिरहेको छ । सोही अभियानअन्तर्गत कर्णाली प्रदेशमा भेला आयोजना गरिएको हो । १४औँ महाधिवेशनमा देउवा समूहको प्रभाव रहेको कर्णाली प्रदेश कार्यसमितिको आयोजनामा हुन लागेको उक्त भेलाको संयोजनको जिम्मेवारी कर्णालीका पूर्वमुख्यमन्त्री जीवन शाही लाई दिइएको छ ।