लोक सेवामा नाम निस्कनुअघि हजारौँ पटक मर्ने सपना!

कुनै युद्धमा गोली लागेर मात्र मानिस मर्दैन। कहिलेकाहीँ एउटा सपना बाँचिराख्न पनि मानिस हजारौँ पटक भित्रभित्रै मर्नुपर्छ। नेपालमा लोक सेवा आयोगको तयारी गरिरहेका हजारौँ युवाको जीवन त्यस्तै मौन मृत्युहरूको लामो इतिहास हो।

उनीहरूको शरीर बाँचिरहेको हुन्छ तर प्रत्येक असफल नतिजा, प्रत्येक छुटेको अवसर, प्रत्येक सामाजिक व्यङ्ग्य र प्रत्येक अधुरो अपेक्षासँग उनीहरूको मन बारम्बार चिरिँदै गएको हुन्छ। त्यसैले लोक सेवा एउटा परीक्षा मात्र होइन; यो धैर्यको संविधान, अनुशासनको न्यायशास्त्र, आशाको दर्शन र आत्मविश्वासको निरन्तर पुनर्जन्म हो।