एनटीभी र कृषि सूचना केन्द्रबीच सहकार्य गर्ने सम्झौता

काठमाडौँ- सार्वजनिक सेवा प्रसारण नेपाल, नेपाल टेलिभिजन र कृषि सूचना तथा प्रशिक्षण केन्द्रबीच सहकार्य गर्ने गरी सम्झौता भएको छ । यी दुई संस्थाबीच कृषिसँग सम्बन्धित कार्यक्रम निर्माण तथा प्रसारण गर्ने विषयमा सम्झौता भएको हो ।

सार्वजनिक सेवा प्रसारण, नेपाल टेलिभिजनको कार्यालयमा भएको कार्यक्रममा सार्वजनिक सेवा प्रसारण नेपालका कामु प्रमुख प्रशासकीय अधिकृत आरती चटौत र कृषि सूचना तथा प्रशिक्षण केन्द्रका प्रमुख सवनम शिवाकोटीले सम्झौतापत्रमा हस्ताक्षर गर्नुभएको थियो ।