विदेशमा जीवन, नेपालमा कलाकारिता : कलाकार जो वर्षौंपछि पर्दामा फर्किए

कुनै समय नेपाली फिल्मको पर्दामा लगातार देखिने कलाकार अहिले कहाँ छन् ? यो प्रश्नको उत्तर खोज्दा धेरै नाम विदेशमा भेटिन्छन्।

कुनै समय दर्शकको मन जितेका कलाकारमध्ये कोही अमेरिका पुगे, कोही अस्ट्रेलिया, कोही युरोप त कोही भारतमा परिवारसहित बस्न थाले। कतिपयले विदेशमै आफ्नो व्यवसाय र पारिवारिक जीवन अघि बढाए भने कतिपयले अभिनयलाई लगभग विश्राम दिए। तर रोचक पक्ष के छ भने विदेश गएसँगै उनीहरूको कलाकारिता यात्रा पूर्ण रूपमा समाप्त भने भएको छैन।