कोशी प्रदेश सरकारबाट कांग्रेस मन्त्रीहरूले आजै राजीनामा दिँदै

विराटनगर - नेपाली कांग्रेस कोशी प्रदेश सरकारबाट बाहिरिने भएको छ। कांग्रेसबाट प्रदेश सरकारमा सहभागी चार मन्त्री र एक राज्यमन्त्रीले बुधबार नै राजीनामा दिने तयारी गरेका छन्।

कांग्रेस नेता उद्धव थापाका अनुसार भौतिक पूर्वाधार विकासमन्त्री प्रदीप सुनुवार, उद्योग, कृषि तथा सहकारीमन्त्री इस्राइल मन्सुरी, पर्यटन, वन तथा वातावरणमन्त्री भीम पराजुली, स्वास्थ्यमन्त्री मानबहादुर लिम्बू र भौतिक पूर्वाधार विकास राज्यमन्त्री शोभा चेम्जोङले राजीनामा दिने भएका हुन्।