काठमाडौं महानगरका नयाँ प्रमुख प्रशासकीय अधिकृत अर्यालको पद बहाली

काठमाडौं। काठमाडौं महानगरपालिकाका नयाँ प्रमुख प्रशासकीय अधिकृत मुक्तिराम अर्यालले पद बहाली गरेका छन्। पद वहालका क्रममा अर्याललाई कार्यवाहक प्रमुख सुनिता डंगोलसहितका महानगरका पदाधिकारीले स्वागत गरेका थिए।

वि. सं. २०६६ सालमा शाखा अधिकृतबाट सेवा प्रवेश गरेका अर्याल २०७३ सालमा उपसचिव र २०८० सालमा सहसचिव भएका हुन्। गएको १ वर्षदेखि उनी पोखरा महानगरपालिकाको प्रमुख प्रशासकीय अधिकृतका रुपमा कार्यरत थिए। त्यस अघि उनले लुम्बिनी प्रदेशको रेसुङ्गा नगरपालिकामा प्रमुख प्रशासकीय अधिकृतका रुपमा काम गरिसकेका छन्।