यामालको रेकर्डमा स्पेनको गोल वर्षा

टब्लिसी । बार्सिलोनाका लमिन यामाल स्पेनका लागि खेल्ने सबैभन्दा युवा खेलाडी र गोलकर्ता बन्दा टोलीले जर्जियामाथि शानदार जीत हासिल गरेको छ । शुक्राबार भएको युरो २०२४ को छनोट खेलमा स्पेन ७–१ गोलले विजयी बनेको हो ।

मात्र १६ वर्ष ५७ दिनका यामाल पहिलो हाफमा ड्यानी ओल्मोको स्थानमा मैदानमा प्रवेश गरेका थिए । योसँगै यामालले यसअघि गाभीले बनाएको रेकर्ड तोडेका हुन् । सन् २०२१ मा गाभीले १७ वर्ष ६२ दिनको उमेरमा स्पेनका लागि डेब्यू गरेका थिए । यामालले खेलको ७४ औँ मिनेटमा स्पेनका लागि सातौँ गोल गर्दै अर्को रेकर्ड पनि राख्न सफल भए ।