अफगानिस्तानमा बीबीसीको एफएम रेडियो प्रसारण निलम्बित

काठमाडौं । अफगानिस्तानको तालिवान सरकारले देशभर बीबीसीको एफएम रेडियो प्रसारण निलम्बन गरेको छ । बेलायती प्रसारक बीबीसीले मंगलबार यसको पुष्टि गर्दै समस्या समाधानका लागि सम्बन्धित अधिकारीहरूसँग सम्पर्कमा रहेको जनाएको छ ।

बीबीसीका प्रवक्ताले विज्ञप्तिमार्फत अफगानिस्तानभरका लाखौँ मानिस निष्पक्ष र विश्वसनीय समाचार तथा सूचनाका लागि बीबीसीमा निर्भर रहेको उल्लेख गर्दै प्रसारण पुनः सञ्चालनका लागि अधिकारीहरूसँग काम गरिरहेको बताएका छन् ।