पाकिस्तानसँगको खेल खेल्छन् कि खेल्दैनन् गिल, के भन्छन् कप्तान रोहित ?

अहमदाबाद । भारतीय क्रिकेट टोलीका कप्तान रोहित शर्माले शनिबार पाकिस्तानसँगको खेलमा शुभमन गिल खेल्ने सम्भावना ९९ प्रतिशत रहेको बताएका छन् । पछिल्लो दुई खेलमा स्वास्थ्य राम्रो नभएका कारण शुभमन गिलले भारतीय टोलीसँगको खेलमा सहभागी हुन पाएका थिएनन् ।

गिल भारतीय टोलीका स्टार ब्याट्सम्यान हुन् र उनी यो खेलको दुई दिन अगाडि अहमदाबाद पुगेका छन् । हालसम्म आईसीसी पुरुष विश्वकपमा भारतले अस्ट्रेलियासँग र अफगानिस्तानसँग एक-एक खेल खेलेको छ । दुवै खेल भारतले जितेको थियो । अब तेस्रो खेल पाकिस्तानसँग छ र गिलले खेल्ने वा नखेल्नेबारे अड्कलबाजी भइरहेको छ ।