शक्ति गौचनलाई दोस्रोपटक पराजित गर्दै रुपन्देही क्रिकेट संघको अध्यक्षमा हरि थापा विजयी

रुपन्देही । रूपन्देही जिल्ला क्रिकेट संघको अध्यक्षमा दोस्रोपटक पनि क्रिकेटर शक्ति गौचनलाई पराजित गर्दै हरिबहादुर थापा निर्वाचित भएका छन् ।

सोमबार राति भैरहवामा सम्पन्न संघको पाँचौं अधिवेशनबाट ६९ मत प्राप्त गरी थापा निर्वाचित भएका हुन् । उनका निकटतम प्रतिद्वन्द्वी क्रिकेटर शक्ति गौचनले ४९ मत प्राप्त गरे ।